¿Qué ye un CMP?
Una Consent Management Platform ye como l'organizador del hórreo: la ferramienta que xestiona los permisos de los usuarios sobre les sos cookies y datos de rastréu de forma tresparente.
Tradición Dixital Esbilla la
Esbilla la
tresparencia.
Como nun hórru alzau sobre'l suelu, Esbilla CMP aislla los datos de los rastreadores non deseaos. Una gobernanza ética pa la to collecha dixital.
Los pilares de Esbilla
Andecha Open Source
El software llibre de códigu abiertu significa que cualesquier puede inspeicionar y ameyorar la ferramienta. Construyímos en comunidá pa que la seguridá seya un bien comunal.
Gobernanza y RGPD
Cumplir col Reglamentu Xeneral de Proteición de Datos (RGPD) nun ye solo una obligación llegal; ye l'esqueletu estructural que garantiza qu'el to sitiu web respeta la dignidá dixital de quien lu visita.
Manifiestu Téunicu: L'Hórreu de Datos (Docker-First)
Esti documentu ye pa los que, como yo, pasaron más tiempu na cafetería de la facultá que en clase pero saben esautamente cómo llevantar un contenedor cuando fai falta
Soberanía On-Premise
Esbilla CMP nace pa ser auto-allugáu (Self-hosted) vía Docker, esaniciando la dependencia de nubes propietaries.
Auditoría de "Andecha"
Al ser códigu abiertu, el sistema nun ye una caxa negra; cualquier téunicu puede inspeicionar el granu nel hórreu p'asegurar que nun hai filtraciones.
Eficiencia 2026
Aprovechamos les facilidaes de la IA pa caltener un core llixeru, potente y fácil de desplegar con un simple docker run.
Gobernanza Ética
Non solo xestionamos banners; separamos les cookies necesaries de les de marketing de forma estructural, devolviendo el control al dueñu de la máquina.
Coste Xustu
Rompemos los modelos de suscripción escesivos basaos en tráficu, ufiertando una ferramienta profesional de coste razonable pa empreses que valoren la so independencia.
Soberanía Técnica vs. Dependencia
Esbilla ta diseñáu pa quien quieren el control físicu de los sos datos, non solo un banner de colores.
Otros CMPs
Con Esbilla
Esplegue
Solo SaaS (La so nube)
DOCKER Auto-allugáu (Docker / On-premise)
Gobernanza
Privacidá "arrendada"
Soberanía real del datu
Enfoque
Marketing y Ventes
Técnicos y Alministradores
Modelu de Coste
Suscripción por tráficu
Coste fixu y razonable
Auto-allugamientu Docker
Esbilla CMP nun ye una caxa negra. Dexámoste les llaves del hórreo pa que lo instales nos tos propios servidores. Gobernanza real pa empreses que nun arrienden la so soberanía técnica.
Terminal
# Llevantar Esbilla CMP docker run -d esbilla/cmp:latest Por qué esbillar con nós
Gobernanza d'Aire Llimpiu
Datos ventilaos y tresparentes. Ensin lletra pequeña, ensin trampes nel hórreo.
Andecha de Códigu
Software llibre construyíu en comunidá. Si unu gana, ganamos toos.
Proteición Estructural
Diseñáu pa cumplir col RGPD pero pensando na ética, non solo na llei.
Mou GTM Simplificáu
Carga automática de scripts dende'l Dashboard. Ensin tocar l'HTML, ensin complicaciones. L'SDK xestiona tol cumplimientu RGPD por ti.
¿Cómu Funciona?
Implementa Esbilla CMP en 4 pasos cenciellos y entama a cumplir col RGPD güei mesmo
1
Instala'l Script
Amiesta una llinia de códigu al to sitiu web. Ye tan cenciellu como copiar y apegar.
2
L'Usuariu Esbilla
Apaez un banner claru y personalizable onde l'usuariu decide qué acepta.
3
Visualiza Estadístiques
Accede a un dashboard con métriques en tiempu real d'aceptación y refugu.
4
Cumples col RGPD
Rexistru inmutable de 3 años, IPs hasheadas, y audit trail completu.
De Sevares pal mundu: ¿Por qué llevantar un hórreu dixital?
Dícenvos Jorge Luis Álvarez Solís (Jlasolis). Sigo siendo'l fíu de Jorge y Pili, y el nietu d'Ángel, Marina, Zulema y Marcelino. Nací y crecí en Sevares, onde aprendí que les coses que duren son les que se faen con bonos cimientos y ente toos.
Munchos preguntaréis qué fai un paisanu de formación programador —gracies a esi Ciclu Superior en Seresco y a tolo qu'aprendí na cafetería de la Facultá d'Informática— metíu nesti "fregau" de la privacidá web. La vida llevóme por munchos oficios, siempres con esa fame d'entamar, pero el Software Llibre siempres foi la mio "sopa de piedra": esa receta onde cada unu pon lo que tien pa que, a la fin, comamos toos.
¿Qué ye eso d'"Esbillar" la web?
Pa los que nun teaís puestos nel tema, un CMP (Consent Management Platform) ye esa ferramienta que xestiona les cookies. Pero yo prefiero esplicalo como lo faemos en Asturies: cuando esbilles, separes la panoya del maíz y la fueya. Un CMP fai lo mesmo colos tos datos de navegación: separa les cookies que son necesaries pa que la web funcione, de les que s'usen pa estadística o marketing, y dexa solo les que tu aceptes de verdá.
El momentu ye agora (y la IA tien la culpa)
Tamos en 2026. Los modelos de precios de los CMP actuales son, siendo claros, un atracu. Cobren barbaridaes por una solución que, técnicamente, nun ye un retu insuperable. Cola potencia y les facilidaes que nos da la IA anguaño, nun hai escusa: ye'l momentu perfectu pa una alternativa xusta. Entamamos con gran parte de los recursos iguaos por la IA pero con la idea que con la comunidá humanicemos esti gnanu d'arena
¿Por qué Códigu Abiertu y Autoxestionáu?
- •
Andecha y Sestaferia: Que Esbilla CMP seya de códigu abiertu significa que la xente puede ayudar a que seya meyor de forma coleutiva. Ye l'espíritu de la sestaferia o de trabayar n'andecha: si iguamos el camín ente toos, pasamos toos meyor.
- •
El to Hórreo, les tos Regles: La soberanía de los datos consiste en que, en cuenta de guardar la to collecha nun almacén xigante d'una multinacional, la guardes y la xestiones tu na to propia máquina. Como esi hórreu que protexe'l granu de la humedá y de los bichos, Esbilla dexa que montes el sistema en Docker p'aisllar los tos datos de rastreadores non deseaos.
Esto nun ye solo software; ye devolver l'aire llimpio y la tresparencia a la nuesa collecha dixital.